Lirik Kreepeek - Regal Minta Kaweng | Hiphoplib.net

Lirik Kreepeek - Regal Minta Kaweng

Lirik Kreepeek - Regal Minta Kaweng
Lirik lagu Regal Minta Kaweng yang dibawakan oleh Kreepeek, grup hip hop asal Manado. lagu ini masih berupa single yang didistribusikan oleh label. Anda bisa membeli dan mendengarkan lagu ini melalui platform digital seperti iTunes, Spotify, Deezer, Amazon Music, Joox dan layanan musik streaming lainnya.

Lirik Kreepeek - Regal Minta Kaweng

[Hook]
Ado kasiang regal minta kaweng
Buju pa mama depe muka rupa podeng
Kong mama bilang co ngana ba ompreng
Kalo ba paksa mama mo tampeleng

Ada ta pe tamang lebe hari lebe gatal
Depe nama ingo rubah jadi regal
Muka culun-culun mo stel begal
Minta kaweng pa mama kong nya da modal
Ado kasiang ta pe tamang gila deng cinta
Minta tolong pa mama selaku orang tua
Mama bilang ngana ini buta nya lia deng mata kapala
Ban ta kase tre pa ngana
So bagitu memang anak jaman sekarang
Bekeng kalakuang kong nyanda pang ba dengar
Selera tinggi kong musti iko akang
Dia kira antar harta sama deng liling kang

[Hook]
Ado kasiang regal minta kaweng
Buju pa mama depe muka rupa podeng
Kong mama bilang co ngana ba ompreng
Kalo ba paksa mama mo tampeleng

Hey bos coba kwa bapikir sadiki
Ajus sebe tabanting tabaguling cari doi
Bantu pa dorang jang cuma ambe hati
Supaya dorang kase doi nyanda pikir rugi
Depe besok regal stres nyanda nafsu makang
Dapa saki gangguan pernapasan
Gara-gara parampuang regal berkorban
Ini baru bilang tusa doyang ikang
Akhirnya regal dapa kase kaweng
Depe sanang nyanda dua ba ba lompa sampe loteng
Ba cakar pa maitua nintau maitua ba laeng
Regal dapa lia maitua baku polo deng daeng
Ado kasiang ta iris hati tapanggal-panggal
Kiapa tu cewe pandang enteng pa regal
Skarang regal lebe ta putar
Panas 100 derajat di atas bandar

[Hook]
Ado kasiang regal minta kaweng
Buju pa mama depe muka rupa podeng
Kong mama bilang co ngana ba ompreng
Kalo ba paksa mama mo tampeleng

Hey regal co ngana pi lia ngana p maitua sana dulu so baku bawa deng laki-laki laeng ni dia.

Sapa tu dia so?

Napa ta da lia deng daeng di sana.

Huh daeng daeng ta p maitua ta da jaga-jaga, ngana pi kore-kore, jang bakusedu kwa deng kita, ngana blum tau kita pe jahat, kang nanti jo tong baku dapa, ado awas ngana daeng eh.

Suka dia mo manimpang maar banya orang
Terpaksa ba ba diang tunggu nanti malam
Rencana dapa di bok langsung mo span
Nya mo se nat kalo malawang
Tengah-tengah malam so siap di jalan
Nyanda ada hambak langsung pukul orang
Daeng dia pukul ba bale satu kampung
Dong ojo minta ampung nyanda bangun-bangun
Depe besok mata bangka-bangka
Muka so biru-biru boleh mo gambar deng tanah
Pusing tanggal 23 akad nikah
Terpaksa regal blum boleh kaluar rumah
Seiring perkembangan melangkah ke pelaminan
Regal sibuk persiapkan stamina agar memungkinkan
Pertengahan bulan pernikahan harus berjalan
Siap keyakinan supaya berjalan aman
Buku-buku cadangan so ta sadia
Napas buatan so pa depe kapala
Nyanda ada yang dapa lupa dekat hari H, Regal mulai tatawa
Tiba depe waktu dia senang maar tetap tenang
Sadiki tegang karena kondisi alam mulai ujang
Tatambah pengantin parampuang nyanda datang
Regal p air mata mulai jatung pelang-pelang
Ado kasiang maitua pancuri tulang
Rasa tu muka mo taruh di bawah kolong jembatan
Nya samua pengorbanan mo ta buka jalan
Tergantung tuhan yang atur garis tangan

[Hook]
Ado kasiang regal minta kaweng
Buju pa mama depe muka rupa podeng
Kong mama bilang co ngana ba ompreng
Kalo ba paksa mama mo tampeleng

Situs ini tidak membagikan tautan Unduh MP3 dari lagu Kreepeek - Regal Minta Kaweng. Semua lirik lagu di situs web ini adalah hak cipta atau milik penulis, artis, band, dan label musik yang bersangkutan. semua materi yang terkandung di situs ini termasuk lirik lagunya hanya untuk tujuan promosi dan evaluasi.

Loading....

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel